សូមស្វាគមន៍មកកាន់ក្រុមការងារសមធម៌ដឹកជញ្ជូន (TEW)!

አማርኛ • 繁体字 • 简体中文 • ភាសាខ្មែរ • 한국어 • Oromiffa • af-Soomaali • Español • Tagalog • ትግርኛ • Tiếng việt • English

អំពីពួកយើង

កិច្ចការរបស់យើងគឺធ្វើឱ្យប្រាកដថា មនុស្សគ្រប់គ្នាមានមធ្យោបាយធ្វើដំណើរប្រកបដោយសុវត្ថិភាព និងតម្លៃសមរម្យ។ ជាពិសេស យើងផ្តោតលើការជួយសហគមន៍ដែលមិនបានទទួលការគាំទ្រគ្រប់គ្រាន់នាពេលកន្លងមកនេះ។

មានសេវាកម្មបកប្រែភាសា

បុគ្គល សម្ព័ន្ធភាព និងអង្គការដែលមានមូលដ្ឋាននៅក្នុងសហគមន៍ដែលត្រូវការសេវាកម្មបកប្រែភាសាដើម្បីជួយបំពេញក្រដាសស្នាមនិងដាក់ពាក្យស្នើកម្មវិធីឬលិខិតគាំទ្រ​ អាចផ្ញើអ៊ីមែលទៅ transportequity@seattle.gov ឬទូរស័ព្ទទៅលេខ (206) 530-3260 ។

តើអ្នកណាខ្លះអាចដាក់ពាក្យបាន?

អ្នកអាចដាក់ពាក្យបាន ប្រសិនបើអ្នកធ្លាប់មានបទពិសោធន៍ ហើយមានទំនាក់ទំនងជាមួយក្រុមនៅក្នុង King County ដែលជួយ៖

• សហគមន៍ BIPOC
• សហគមន៍ដែលមានប្រាក់ចំណូលទាប
• ជនអន្តោប្រវេសន៍ និងជនភៀសខ្លួន
• ជនពិការ
• ពួក​ LGBTQIA+ មនុស្ស
• ជនដែលគ្មានលំនៅឋានហ្នឹងនរ
• ស្ត្រីនិងមនុស្សដែលចាត់ទុកថាខ្លួនជាមនុស្សស្រី
• យុវជន និងជនជរា
• ជនដែលធ្លាប់ជាប់ព័ន្ធនាគារ
• សហគមន៍ដែលប្រឈមមុខនឹងការបាត់បង់លំនៅដ្ធានកម្រិតខ្ពស់

តើ​ខ្ញុំ​អាច​ទទួល​បាន​ជំនួយ​អ្វីខ្លះ​ប្រសិនបើ​ខ្ញុំ​មាន​លក្ខណៈតម្រូវការពិសេសក្នុងការ​ទទួលសេវាកម្ម​?

យើងខិតខំប្រឹងប្រែងដើម្បីបំពេញតម្រូវការនៃក្រុមរបស់យើង។ បុគ្គលិករបស់យើងនឹងធ្វើការជាមួយអ្នកលើការស្វែងរកដំណោះស្រាយសម្រាប់តម្រូវការជាក់លាក់របស់អ្នក។ 

តើខ្ញុំនឹងទទួលបានប្រាក់ខែទេ?

បាន! ក្នុងអំឡុងពេលបីខែដំបូងនៃការបង្វឹកបង្រៀនរបស់អ្នក អ្នកនឹងទទួលបាន 50 ដុល្លារក្នុងមួយម៉ោង។ នៅពេលអ្នកបញ្ចប់ដំណើរការបង្វឹកបង្រៀនហើយ អ្នកនឹងទទួលបាន 75 ដុល្លារក្នុងមួយម៉ោង ហើយអាចទទួលបានរហូតដល់ 7,500 ដុល្លារក្នុងមួយឆ្នាំ។ 

តើខ្ញុំនឹងធ្វើអ្វីខ្លះ?

អ្នកនឹងត្រូវបានរំពឹងថានឹងបម្រើរយៈពេល 3 ឆ្នាំ ហើយអាចបន្តរយៈពេល 2 ឆ្នាំទៀតបន្ទាប់ពីអាណត្តិដំបូងរបស់អ្នក។ អ្នកនឹងចូលរួមកិច្ចប្រជុំ 2-4 ដង (ភាគច្រើនតាម Zoom) ហើយធ្វើការប្រហែល 9-10 ម៉ោងក្នុងមួយខែ។ អ្នកនឹងធ្វើការជាមួយសមាជិកក្រុមផ្សេងទៀត និងបុគ្គលិកទីក្រុងក្នុងអំឡុងពេលកិច្ចប្រជុំទាំងនេះ។ 

តើការជ្រើសរើសមានដំណើរការយ៉ាងណាដែរ?

សមាជិកក្រុម TEW និងបុគ្គលិក SDOT នឹងពិនិត្យមើលលិខិតដាក់ពាក្យដែលបានដាក់ស្នើ និងលិខិតគាំទ្រក្នុងអំឡុងពេលដំណើរការជ្រើសរើសបុគ្គលិក។ ក្រុមនេះនឹងជ្រើសរើសបេក្ខជនមកសម្ភាសន៍។ បន្ទាប់ពីការសម្ភាសន៍ ក្រុមនះនឹងធ្វើការសម្រេចចិត្តជាចុងក្រោយ និងជូនដំណឹងដល់បេក្ខជនអំពីលទ្ធផល។

តើក្របខ័ណ្ឌសមធម៌ដឹកជញ្ជូន (TEF) គឺជាអ្វី?

TEF គឺជាផែនការដែលយើងបានធ្វើជាមួយសមាជិកសហគមន៍ ដើម្បីធានាបាននូវប្រព័ន្ធដឹកជញ្ជូនប្រកបដោយសមធម៌ជាងមុន។ ឥឡូវនេះ យើងកំពុងអនុវត្តលើការដាក់ផែនការនេះឱ្យដំណើរការ។

សម្រាប់ព័ត៌មានលម្អិត ឬសួរសំណួរ សូមផ្ញើអ៊ីមែលមកយើងតាមរយៈ transportationequity@seattle.gov ។  យើងទន្ទឹងរង់ចាំដំណឹងពីអ្នក!